ممكن تسمونا حركة المولعين بجاز من اجل التحرير الوطنى ،امال هو مش كل ماتكلم مسؤول مالوش لازمة فى الحياة ممكن يقولك :"روحوا ولعوا فنفسكم بجاز".طيب بقى احنا رايحين اهوه ،ماتيجوا معانا ..يلا يا جماعة بلاش كسل هو صحيح الجاز غلى اليومين دول بس ماتقلقوش لسه عندنا منه كتير..وبعدين مش لازم جاز ممكن نولع على الناشف كده بس ان شاء الله بقى- و لازم تبقوا واخدين بالكم من النقطة دى- التوليع مش هايبقى فينا هايبقى فى حاجات تانية و ناس تانية
هانولع على الناشف؟؟! ايوه ماسمعتوش عن البايروكينيزيس؟؟
؟؟ (pyrokinesis)
من اليونانية(بايرو) بمعنى (نار) و (كاينيزيس) بمعنى (تحريك) ، و زى مانتو شايفين دى يا جماعة معناها القدرة على اشعال الحرائق ذهنيا أو تحريك النيران..هيهيهيهي..و دى فى ناس بتمارسها بشكل عفوى-زى الحاج هتلر وناسه- وفى ناس بتمارسها بشكل ارادى-يعنى تتحكم فيها-وده اللى احنا عايزينه..على العموم زى مانتو عارفين دى قدرة نفسية و اغلب القدرات النفسية قابلة للتعلم و الاجادة..يعنى ممكن كلنا ان شاء الله نولع فى اللى قدامنا من غير مانلمسه
هانولع فى كل الحاجات اللى مش عاجبانا و فى كل الناس اللى خانقانا و فى اى حد ممكن يدخل عشان يدافع
عنهم...هاتقولولى ايه الناس الارهابيين القاسيين دول ؟؟!! هاقولكم مش احنا الارهابيين ولا احنا قاسيين و مش لازم التوليع يبقى بالنار..ممكن نولع فيهم بالأفكار بس من غير مانيجى جنبهم و لا نلمسهم ،نفحهمهم بالمنطق و المشاريع اللى مايقدروش يفتحوا بقهم فيها عشان يقولوا كلام مش منطقى..هاتقولوا لى ماهم ممكن يخلعوا من اى حوار و عندهم اتهامين جاهزين يا الكفر يا العمالة لدول تانية، حاقولكم مش هايقدروا ..ساعة ما يحسوا ان الناس ممكن تاكلهم-ودى حاجة لسة بدرى عليها و من اولويات الحركة- مش هايقدروا ..وساعتها هيحاولوا يخشوا المواجهة بالخطة و البرنامج و المنطق والعقل و دى كلها حاجات يفتقدها كل صاحب منصب فى هذه البلد المنكوبة و انا واثق من هذا تمام الثقة..و ان شاء الله احنا هنا عشان نجهز لليوم ده..يوم ما يقدر الناس يقطعوا اللى كلامهم مايعجبهمش..يوم الصحوة الشعبية اللى كلنا منتظرينها و هانعمل عشان تتحقق ان شاء الله
و حتى نرى هذا اليوم هانشتغل هنا بكل جوارحنا و هانعمل كل اللى نقدر عليه فى اتجاهين
اولهم:ان احنا نورى الناس قد ايه البلد حالتها ادهورت مش بالكلام و لا بالخطب بالاحصائيات الموثقة و بالمقارنة بين مصر و دول تانية كتير جدا ظروفها اصعب و مواردها اقل بس حكامها مش زى ال.....بتوعنا
تانيهم:هانحط كلنا اقتراحات للاصلاح و التنمية واى ملاحظات على كل حاجة فى حياتنا ممكن تبقى افضل...وهانجيب نماذج من المصريين الحقييقيين اللى حبوا البلد دى و ماعملوهاش سبوبة و ناس كتير ماتعرفش عنهم حاجة
احنا محتاجبن كل واحد يقدر يفكر و يشتغل معانا و بنقول لكل الناس ان باب العضوية مفتو ح و ان شاء الله بعقولنا و مجهودنا نغير حاجات كتير فى البلد المايعة اللى ماشية بالمشقلب دى
دى كانت مقدمة صغيرة كده عالسريع فى انتظار اطلاع باقى الاعضاء المؤسسين و تظبيط الموضوع..يلا سلام دلوقتى
و حتى نرى هذا اليوم هانشتغل هنا بكل جوارحنا و هانعمل كل اللى نقدر عليه فى اتجاهين
اولهم:ان احنا نورى الناس قد ايه البلد حالتها ادهورت مش بالكلام و لا بالخطب بالاحصائيات الموثقة و بالمقارنة بين مصر و دول تانية كتير جدا ظروفها اصعب و مواردها اقل بس حكامها مش زى ال.....بتوعنا
تانيهم:هانحط كلنا اقتراحات للاصلاح و التنمية واى ملاحظات على كل حاجة فى حياتنا ممكن تبقى افضل...وهانجيب نماذج من المصريين الحقييقيين اللى حبوا البلد دى و ماعملوهاش سبوبة و ناس كتير ماتعرفش عنهم حاجة
احنا محتاجبن كل واحد يقدر يفكر و يشتغل معانا و بنقول لكل الناس ان باب العضوية مفتو ح و ان شاء الله بعقولنا و مجهودنا نغير حاجات كتير فى البلد المايعة اللى ماشية بالمشقلب دى
دى كانت مقدمة صغيرة كده عالسريع فى انتظار اطلاع باقى الاعضاء المؤسسين و تظبيط الموضوع..يلا سلام دلوقتى
